Steinunn Árnadóttir, organisti og hestakona mætti ásamt fleiri dýravinum til að sýna samstöðu en von var á blóðmerafolöldum í Borgarnes til meintra hrossaníðinga sem mikið hefur verið fjallað um að undanförnu.
Sjá einnig: Hestaníðingur fékk leyfi MAST til að kaupa þrjú ný folold: „Matvælaráðherra er algjörlega lamaður“
Gaf Steinunn Mannlífi leyfi til að birta færslu sem hún ritaði á Facebook í morgun:
„Í gærkvöldi var vitað að 3 mánaða blóðmerarfolöld voru á leiðinni í Borgarnes í hendur á dýraníðingum.
Takk kæri formaður Hestamannafélags Borgfirðings að styðja okkur sem einstaklingur.“
Í samtali við Mannlíf sagðist Steinunn ekki hafa talið mannskapinn sem mætti en úti var grenjandi rigning og því flestir í bílum sínum en þeir voru margir. „En þeir sem ég talaði við voru mjög leiðir og reiðir að þetta sé enn látið viðgangast,“ sagði Steinunn.Aðspurð hvort einhver samskipti hafi verið höfð við meinta níðinga sagði hún: „Það var enginn frá þeim og folöldin komu ekki þangað, enda opinbert að við myndum vera á staðnum.“ Vildi hún einnig koma eftirfarandi á framfæri: „Ekki stóð til að gera neitt sem er ólöglegt eða ekki sæmandi. Við vildum bara mótmæla að þessir aðilar fái folöldin í hendur.“
Mannlíf hefur sent Svandísi Svavarsdóttur matvælaráðherra tölvupóst með spurningum varðandi þetta mál og almennt viðlíka mál.