Fimmtudagur 18. ágúst, 2022
11.8 C
Reykjavik

Breyta 7 milljarða láni Alvotech í hlutafé – Lækkun virðis nemur verðmæti Ölgerðarinnar

Helgarviðtalið

- Auglýsing -

Orðrómur

- Auglýsing -

Alvotech sendi frá sér tilkynningu í gærkvöldi þar sem kom fram að fyrirtækin Alvogen og Aztiq Pharma Partners myndu kaupa fyrir samtals 50 milljónir dala, eða um 6,9 milljarða króna, í líftæknifyrirtækinu Alvotech. Félögin skrifuðu undir uppgjörssaming í gær þar sem þau skuldbundu sig til þess að kaupa hvort um sig 2,5 milljónir af nýútgefnum hlutabréfum Alvotech á genginu 10 dalir á hlut.

Í Viðskiptablaðinu kemur fram að uppgjörssamningurinn sem skrifað var undir í gær sé vegna hluthafalána Alvogen og Aztiq upp á 50 milljónir dala til Alvotech.

Róbert Wessman er stjórnarformaður og forstjóri Alvogen, sem er systurfélag Alvotech, auk þess að vera stór hluthafi í fyrirtækinu með um þriðjungshlut. Fjárfestingasjóðurinn Aztiq á meirihluta í Alvotech, en Aztiq er að stórum hluta í eigu Róberts, sem fer með rúmlega 40 prósenta hlut. Hann er sömuleiðis stofnandi og stjórnarformaður Alvotech.

Líkt og áður sagði munu fyrirtækin kaupa í Alvotech á genginu 10 dalir á hlut, en það samsvarar verðinu í útboðinu í aðdraganda skráningar Alvotech í gegnum Oaktree Acquisition Corp. II. Hlutabréfaverð Alvotech hefur hins vegar lækkað talsvert á mörkuðum, bæði á bandaríska Nasdaq markaðnum sem og hér heima á First North-markaðnum. Við lokun Nasdaq-markaðsins í gær stóð gengi hlutabréfa Alvotech í 6,95 dölum á hlut, sem er um 30 prósent undir 10 dala útboðsgenginu sem Alvogen og Aztiq munu kaupa á.

Eignarhlutur Róberts Wessman í Alvotech hefur því lækkað um rúmlega 30 milljarða frá því að fyrirtækið var skráð á markað. Lækkunin jafngildir rúmlega öllu verðmæti Ölgerðarinnar, sem er í hópi stærri fyrirtækja landsins og skráði sig nýlega í Kauphöllina.

 

- Auglýsing -

Fyrirvari 1: Róbert Wessman hefur verið kærður til lögreglu fyrir aðild og yfirhylmingu í tengslum við innbrot á skrifstofur Mannlífs. Honum hefur margsinnis verið boðið að tjá sig um þessi mál í Mannlífi, en ekki orðið við áskoruninni. 

Fyrirvari 2: Ritstjóri Mannlífs vinnur að heimildabók um Róbert sem að hluta til er fjármögnuð af félagi sem er í eigu fyrrverandi samstarfsmanns auðmannsins. Vonast er til þess að bókin komi út fyrir lok árs, á íslensku og ensku. Lagt er upp með að segja sögu hans af heilindum. 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -