- Auglýsing -
Lögreglunni á höfuðborgarsvæðinu var í morgun tilkynnt um þrjú innbrot sem framin höfðu verið í nótt.
Eitt innbrotið var framið í fyrirtæki í Hafnarfirði. Þýfið gæti ef til vill talist nokkuð óvenjulegt, en þjófarnir höfðu sig þaðan á brott með nokkuð magn af koparvír, líkt og segir í tilkynningu frá lögreglu.
Í Kópavogi var brotist inn í hjólhýsi og í Reykjavík var farið inn í bíl og verkfærum stolið. Talið er að bíllinn hafi verið ólæstur.
Samkvæmt lögreglu eru öll málin í rannsókn.