Föstudagur 29. mars, 2024
2.8 C
Reykjavik

Brynjar hjólar í Eddu Falak: „Keppast hver við annan að niðurlægja stúlkur“

VefTv

- Auglýsing -

Hlaðvörp

- Auglýsing -

Brynjar Níelsson varaþingmaður telur tilefni til þess að kenna öðrum hvernig eigi að fara með hæðni. Á Facebook skrifar hann: „Hæðni er vandmeðfarin og við erum mis viðkvæm þegar hún beinist að okkur sjálfum. Sumir eru mjög viðkvæmir fyrir glensi og jafnvel fyrir hönd annarra, til dæmis ýmissa minnihlutahópa, eins og hörundsdökka, transfólk, samkynhneigða og annað fólk sem er öðruvísi en fjöldinn og því í viðkvæmri stöðu. Er það mjög skiljanlegt.“

Brynjar segir þó til góða hæðni og vonda hæðni. „Það er nú samt svo að maðurinn er spaugilegt fyrirbæri. Ef við hættum að gera grín hvert að öðru erum við dauðans matur, að minnsta kosti andlega.  En hæðni er ekki sama og hæðni. Það er nefnilega til góð hæðni og vond hæðni, alveg eins og það er til gott fólk og slæmt fólk. Ekkert af okkur mannfólkinu er þó fullkomið og við gerum öll mistök í lífinu. Þess vegna er fyrirgefningin mikilvæg,“ segir Brynjar.

Að lokum kemur hann sér að efninu, honum þyki illa farið með tilvonandi fegurðardrottningar Íslands. Líkt og DV greindi frá fyrr í dag þá hafa margir á Twitter gert grín að hópmynd fegurðardísanna. Þar á meðal Edda Falak.

„Ágætt væri ef við gætum dregið úr vondu hæðninni. Vond hæðni er sú sem hefur þann tilgang að niðurlægja fólk og er sett fram af andúð, illgirni og fórdómum. Tilefni þessarar færslu er að ég tók eftir því á samfélagsmiðlum að margir þeirra sem eru alla jafna hvað mest móðgaðir og misboðið yfir glensi annarra keppast hver við annan að niðurlægja með hæðni stúlkur sem keppa í fegurðarsamkeppni Íslands,“ skrifar Brynjar.

Hann segist hafa séð eftir því síðast þegar hann gerði grín af áhrifavöldum. „Einhverjum kann að finnast þessi boðskapur koma ur hörðustu átt. Kannski er ég ekki alsaklaus en man þó bara eftir einu glensi þar sem ég gerði hallærislegt grín að áhrifavöldum. Baðst afsökunar á því daginn eftir.“

- Auglýsing -

Á Twitter er hins vegar grínast með þessa sömu gagnrýni á Eddu. Nú sé bara búið að slaufa henni fyrir að styðja ekki allar konur. „Jæja þá er maður ekki lengur ehv svaka woman’s supporter,“ skrifar Edda sjálf.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -