- Auglýsing -
Á Twitter má finna vinsælan þráð þar sem notendur eru beðnir um að segja frá besta samkvæmi sem það hefur haldið. Tugir hafa svarað kallinu og sagt partýsögur af sjálfum sér. Þar á meðal er tónlistarmaðurinn vinsæli Bubbi Morthens.
Hans saga sýnir vel að menn geta skemmt sér konunglega þó einir séu. Bubbi skrifar: „Ég var einn og það var trillt. Spilaði og söng í þrjá tíma. Kók á gleri. Hápunkturinn var þegar löggan kom og bað um að ég lækkaði í sjálfum mér.“
Hann er svo spurður hvort hann eigi við „kók á gleri“ eða „kók í gleri“. Bubbi svarar og tekur skýrt fram að kókið hafi verið á gleri.