- Auglýsing -
Karlmaður sem handtekinn var í byrjun mánaðar grunaður um kynferðisbrot gegn tveimur konum, hefur verið úrskurðaður í fjögurra vikna gæsluvarðhald.
Karlmaður á fertugsaldri var í dag í Héraðsdómi Reykjavíkur úrskurðaður í fjögurra vikna áframhaldandi gæsluvarðhald, eða til 13. september, á grundvelli almannahagsmuna að kröfu Lögreglunnar á höfuðborgarsvæðinu, í þágu rannsóknar hennar á alvarlegum kynferðis- og ofbeldisbrotum.
Maðurinn, sem var handtekinn í byrjun mánaðarins, er grunaður um að hafa brotið gegn tveimur konum í aðskildum málum á höfuðborgarsvæðinu um verslunarmannahelgina. Úrskurðurinn hefur verið kærður til Landsréttar.
Ekki getur lögreglan veitt frekari upplýsingar að svo stöddu.