Slysið við Hvalfjarðargöngin í gærkvöldi var dauðaslys. Líkt og greint var frá í gær lenti miðaldra karlmaður á flótta undan lögreglu í árekstri við Hvalfjarðargöngin. Áreksturinn var svo harkalegur að bíllinn flaug upp í loftið, að sögn sjónarvotta sem Fréttablaðið ræddi við. Ökumaðurinn er sagður hafa kastast úr bílnum og lent um 10 metrum frá slysstað.
Sjá einnig: Maður á flótta frá lögreglu kastaðist 10 metra úr bíl við Hvalfjarðargöngin
Lögreglan verst enn sem komið er fregna vegna dauðaslyssins. Mannlíf náði tali af lögregluna á Vesturlandi í morgun. „Ég get ekkert sagt þér um þetta. Við munum gefa út fréttatilkynningu síðar í dag,“ sagði vakthafandi varðstjóri og neitaði að tjá sig frekar um málið.
Þáttur lögreglunnar í þessu máli og eftirförin verða væntanlega til rannsóknar annars lögregluembættis.
Uppfært kl 11.40