Davíð nokkur er hundsvekktur með þjónustu og viðskiptahætti Símans. Fyrirtækið hafi ginnt hann yfir með gilliboðum sem aldrei stóðust og þegar hann gerði athugasemdir var honum ekki trúað.
Davíð fjallar um óánægju sína í fjölmennu samfélagi á Facebook, Vertu á verði – eftirlit með verðlagi. Til að útskýra málið skulum við hleypa honum að:
„Síminn fær heiður fyrir jafn lélega þjónustu sem og blekkjandi viðskiptahætti.
Ég fæ símtal frá hressum starfsmanni Símans sem segir að ég hafi unnið stóran heimilispakka en ég fæ hann til að heyra í móður minni með hann sem ég vildi gefa henni. Það er ekkert mál og ætlar hann að heyra í henni en bíður mér svo persónulega að færa mig og strák minn(sem er í minni áskrift) frá Nova til þeirra og strákurinn fengi 10gb og ég 500gb(var með ótakmarkað fyrir mig en 1gb hjá honum hjá Nova) á 4.500kr(spara rúmlega 3000kr).
Svo kemur í ljós að mamma mín hafi samþykkt þennan heimilispakka sem átti að innihalda helstu stöðvarnar og mikið skemmtiefni en var pakkinn bara grunnpakki(heitir samt heimilispakki) s.s. mun verri en hún var með hjá Vodafone. Ekkert auka og ekki einu sinni stöð 2. Skv henni lét starfsmaðurinn sem að hún væri að fá svipaðan pakka og hún var með hjá Vodafone bara betri og hjá þeim. Stenst augljóslega ekki.
Svo virðist vera að ég hafi bara fengið 50gb og strákurinn bara 1 en starfsmaður í þjónustuveri segir mér að ég þurfi að tengja mig, fullorðinn einstakling, undir heimilispakka móður minnar (þennan lélega) til að fá 10x gagnamagn (tímabundið) og það sé ekki hægt öðruvísi og ég þurfi persónulega að sækja um það og hún svo samþykkja sem er alls ekki það sem mér var boðið um enda voru okkur boðnir 2 mismunandi pakkar.
Svörin sem ég fékk frá starfsmanni símans voru að þetta er bara svona og þetta séu orð á móti orði og augljóslega hafi ég samþykkt verri pakka með verri þjónustu á verra verði ef heildin er skoðuð.
Mjög blekkjandi sér í lagi fyrir móður mína sem sölumaðurinn taldi á þetta allt.
Við munum allavega færa okkur um leið og nýtt ár byrjar yfir í önnur fyrirtæki og spyr ég því hvort fleiri hafi lent í þessu?“
Fjölmargir meðlimir hópsins furða sig á þessum viðskiptaháttum Símans. Margir þeirra hafa svipaða sögu að segja og mæla flestir frekar með viðskiptum við Nova. Anna er ein þeirra. „Ég hef nokkrum sinnum gert þau mistök að fara yfir í símann eða Vodafone eftir svona símtöl og það stenst aldrei það sem þau segja og alltaf þvílíkt vesen. Enda alltaf aftur hjá Nova og er ánægðust þar,“ segir hún.
Violette skilur ekkert í þessu. „Vááá hvað er leiðinlegt að heyra þetta! Svo ófaglegt, óheiðarlegt og einstaklega flókið hjá þeim! Hvað varðar „orð á móti orðið“ höfum við maðurinn mín lent í svipaða vesen með önnur fyrirtæki. Hann hringdi í þá, kvartaði kurteislega pg bætti við “ þig takið upp símtölin, er það ekki? Spólaðu þá til baka!“ Löng saga stutt, þetta dugði til þess að fá endurgreitt,“ segir Violette.
Rakel kannast einum og vel við vandamálið. „Ég hef fengið svona símtal um „vinning“ frá Símanum líka. Takk fyrir að vara við þeim enda full ástæða til!,“ segir hún. Og Gísli hefur einfaldlega gefist upp. „Ég er löngu hættur að versla við símann gillitilboð sem standast engan veginn byrjaðir að hækka áður en mánuðurinn er búinn,“ segir Gísli.