Davíð um bann á hvalveiðum: „Þetta er áhugamál og sumarstarf sem á að banna“

Mikil umræða hefur verið um skyndi­legt bann mat­væla­ráð­herra á hval­veiðum. Margir eru ánægðir með ákvörðun ráð­herra að setja bann á hval­veiðar út veiði­tíma­bilið en aðrir segja þetta mik­inn tekju­missi. Fyr­ir­tækið Hvalur hf. hyggst kanna rétt sinn og jafn­vel hefja skaða­bóta­mál en fyrsta veiði­ferð tíma­bils­ins átti að hefj­ast degi eftir að bannið var sett á.Davíð Þor­lákson, fyrrum for­maður ungra sjálf­stæð­is­manna og fram­kvæmda­stjóri opin­bera hluta­fé­lags­ins Betri sam­gangna lýsti skoð­unum sínum á Twitter þar sem hann segir hval­veiðar „fara yfir strikið“.

„Ég er bæði hlynntur atvinnu­frelsi og dýra­vernd. Stundum er erfitt að finna jafn­vægi. Það er aug­ljóst að þau sem stunda hval­veiðar hafa farið yfir strikið. Þetta er áhuga­mál og sum­ar­starf sem á að banna, ekki atvinnu­grein sem þarf að vernda, þótt fyr­ir­var­inn hefði mátt vera lengri.“