Fimmtudagur 28. mars, 2024
0.8 C
Reykjavik

Djákni segir Boga vera gerviverktaka og Samfylkinguna samstíga gegn Sólveigu

VefTv

- Auglýsing -

Hlaðvörp

- Auglýsing -

Guðmundur Brynjólfsson, rithöfundur og djákni, segir á Facebook að það virðist helst vera Samfylkingarfólk sem kvarti undan því að Sólveig Anna Jónsdóttir, formaður Eflingar, sé ekki reiðbúin að slá af kröfu um bætt kjör verkafólks svo útlendingar geti lært íslensku. Guðmundur segist vonast til að Eiríkur Rögnvaldsson, fyrrverandi prófessor í íslenskri málfræði við Háskóli Íslands, geti fengið svipaðan samning og Bogi Ágústsson.

„Samfylkingin ætlar víst að skipta um nafn. Jafnaðarflokkurinn, hefur heyrst, minnir á uppstúf. Sem er ágætlega passandi því slík sósa á það til að hlaupa í kekki. Hefði nú ekki verið tilvalið fyrir flokkinn að fá einhvern útlending í Eflingu til að finna flokknum nýtt nafn, jafnvel í vinnutímanum? – hjá því fólki liggur jú hugur og hjarta Samfylkingarinnar – þar liggja rætur þess fólks sem situr á þingi fyrir flokkinn. Og verðandi formaður er hertur við basl,“ segir Guðmundur.

Hann virðist telja að Eiríki leiðist á eftirlaunum og óskar þess að hann fái að gerast ólöglegur verktaki hjá viðeigandi stofnun líkt og Bogi Ágústsson. „Það er annars nokkuð merkilegt að ef einhverjar flokkslínur er hægt að sjá í „látum-verkalýðinn-slá-af-launakröfum-sínum-svo-hægt-sé-að-kenna-útlendingum-íslensku-í-vinnutímanum“-málinu, þá virðast Samfylkingarfólk einna helst vera samstíga í því að bakka upp emeritusinn sem hálf þjóðin óskar nú að Háskóli Íslands ráði aftur í vinnu, gæti t.d. orðið (gervi)verktaki (sem er ólöglegt) eins og Bogi Ágústsson hjá RUV.

Jafnaðarflokkurinn, það er eitthvað svo fallegt, sléttar allt út – alla turna, hvort heldur eru fílabeins eða Babels.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -