Dorrit Moussaieff, fyrrverandi forsetafrú Íslands er ekkert smá ánægð með nýja konung Breta ef marka má Instagram-reikning hennar.
Dorrit er dugleg að birta svipmyndir frá lífi sínu sem rík hefðarfrú, á Instagram. Hefur hún að undanförnu birt myndir og myndskeið af sér á sjóþotu, út að borða með nokkrum vinum í Tyrklandi, frá New York þar sem hún pússar demanta og stillir sér upp með lögreglumönnum. Í gær birti hún myndir af sér með Karli III úr Buckinghamhöll ef mark er takandi á merkingunni á myndunum.
Við færsluna skrifar Dorrit: „Bara ef hans hátign Karl III konungur gæti verið bæði konungur og forsætisráðherra! Hann hefur alltaf starfað í þágu þegna sinna, óháð almenningsáliti, engin þörf á að vinna kosningar!“