„Pælið í því að vera svona ótrúlega vandræðalegar týpur. Btw. Hversu margar konur fá ALDREI spilun í útvarpi útaf þær hafa ekki sömu tækifæri og minni sambönd í bransanum? Þær eru samt ekki meintur ofbeldismaður. Þið fáið spilun en ekki nógu mikla? Cry me a fucking river.“
Þetta skrifar Tanja Ísfjörð, meðlimur í feminíska hópnum Öfgar, á Twitter og vísar í fréttaflutning Vísis um að Bubbi og Auður kvarti undan því að fá ekki meiri spilun á Rás 2, þrátt fyrir að lag þeirra sé vinsælt á Spotify. Ástæðan er nokkuð augljós, Auður hefur verið sakaður um að vera ofbeldismaður af fjölda kvenna og nýverið stigu þrjár þeirra fram í Stundinni undir nafni.
Í frétt Vísis kemur fram að Sölvi Blöndal, framkvæmdastjóri Öldu Music, hafi farið á fund með Stefáni Eiríkssyni útvarpsstjóra vegna málsins. Edda Falak gefur sterklega í skyn að hann ætti að hafa sig hægan, mögulega vegna þess að hann hafi óhreint mjöl í pokahorninu. Edda skrifar: „Sölvi Blöndal ætti nú bara að fá sér sæti.“