Edda gagnrýnin: „Reyna að eitra fyrir Íslendingum með erfðabreyttu og skordýraeitruðu grænmeti frá útlöndum?“

Deila

- Auglýsing -

Edda Björgvinsdóttir leikkona gagnrýnir eigendur stórverslana úti á landi í færslu á Facebook.

 

„Fúl á móti spyr hvort það sé sérstök stefna hjá flestum verslunum í sveitinni að reyna að eitra fyrir Íslendingum með erfðabreyttu og skordýraeitruðu grænmeti frá útlöndum?,“ segir Edda og segir að viðkvæmir eigendur stórverslana úti á landi ættu ekki að lesa þennan pistil hennar.

Segist hún lengi hafa haldið að grænmeti sem hún kaupir í pokum, sem merkt er Hollustu og Náttúru, væri íslensk afurð. „Nehei .. aldeilis ekki! Þetta er allt innflutt takkfyrirkærlega! Lesið smáa letrið,“ segir Edda sem búsett hefur verið á Hellu frá því í mars, og hefur hún keyrt inn á Selfoss til að kaupa íslenskt grænmeti, sem stundum fæst í Bónus.

Þakkar hún Sveitabúðinni Unu fyrir að bjarga henni, því nú er búðin sem staðsett er á Hvolsvelli að sögn Eddu farin að selja grænmeti frá Sólheimum og einnig allskonar kjötmeti beint frá bónda.

„Ég er líka með fordóma gagnvart innfluttu hormónasprautuðu kjöti,“ segir Edda. „Sveitabúðin Una takk fyrir að bjarga heilsu minni og heiðri sveitunga ykkar í verslanageiranum.“

- Advertisement -

Athugasemdir