2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Að miklu leyti undir fyrirtækjum komið að koma Íslandi af gráa listanum

Í október rataði Ísland á gráan lista Financial Action Task Force (FATF) yfir þau lönd sem eru undir eftirliti, þar sem þau hafa ekki uppfyllt skilyrði um aðgerðir til að sporna gegn peningaþvætti.

Í apríl 2018 skilaði FAFT skýrslu þar gerð var athugasemd við alls 51 atriði varðandi laga- og reglugerðarumhverfi Íslands. Íslandi var gefið fram á mitt ár 2019 til að bregðast við en lenti svo á gráa listanum þar sem útbætur þóttu ekki fullnægjandi.

Geta beitt sektum

Fjár­mála- og efna­hags­ráðuneytið minn­ir nú forsvarsmenn fé­laga og fyr­ir­tækja á að skrá raunverulega eigendur fyrirtækja á vef Skattsins. Í grein á vef Stjórnarráðsins segir að aðgerðir fyrirtækjaeigenda ráði miklu um það hvenær Ísland fer út af gráa listanum.

AUGLÝSING


„Skortur á fullnægjandi skráningu svokallaðra raunverulegra eigenda í félögum var eitt af þeim atriðum sem orsökuðu það að Ísland var sett á gráa listann hjá alþjóðlegum hópi ríkja um aðgerðir gegn peningaþvætti og fjármögnun hryðjuverka,“ segir í greininni.

Þá er bent á sérstaka síðu sem hefur verið sett upp á þjónustuvef Skattsins fyrir félög til að sinna skyldu til að skrá raunverulega eigendur með rafrænum hætti. Félögum ber að ljúka skráningu fyrir 1. mars. Eftir þann tíma er heimilt að beita skráningarskylda aðila sektum.

„Áhersla er lögð á að þessari skráningu verði komið í viðunandi horf í tíma og hún er ein af forsendum þess að Ísland verði tekið af gráa listanum á yfirstandandi ári.“

Lestu meira

Annað áhugavert efni

Nýjast á Mannlíf.is

Nýjast á Gestgjafanum