2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Ferðabann Bandaríkjaforseta tekur gildi

Ferðabannið sem Don­ald Trump Bandaríkjaforseti setti á 26 þjóðir Evr­ópu til Banda­ríkj­anna, í því skyni að hefta frek­ari út­breiðslu kór­ónu­veirunn­ar, hef­ur tekið gildi. Bannið nær meðal annars til Íslands.

Eins og kunnugt er hafa um tvö þúsund COVID-19 til­felli greinst í Banda­ríkj­un­um og 43 hafa látið lífið, þegar þetta er skrifað og hefur Bandaríkjaforseti lýst yfir neyðarstandi vegna kórónaveirunnar og sett á fyrrnefnt bann til að draga úr frekari útbreiðslu hennar.

Fyrirhuguðum flugferðum Icelandair til Minneapolis og Orlando seinna í dag hefur af þeim sökum verið aflýst að því er fram kemur á vefsíðu Isavia. Ferðir til New York, Boston, Seattle og Washington-borgar, Chicago, eru hins vegar sagðar vera enn á áætlun.

Íslensk stjórnvöld hafa mótmælt ferðabanninu og á utanríkisráðherra, Guðlaugur Þór Þórðarson, fund með Mike Mike Pompeo, utanríkisráðherra Bandaríkjanna, vegna málsins í næstu viku.

Lestu meira

Annað áhugavert efni

Nýjast á Mannlíf.is

Nýjast á Gestgjafanum