2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Ríkisskattstjóri vill nánari upplýsingar frá áhrifavöldum

Ríkisskattstjóri hefur óskað eftir nánari upplýsingum frá áhrifavöldum um tekjur þeirra árið 2018.

 

Ríkisskattstjóri (RSK) hefur tekið skattskil svokallaðra áhrifavalda vegna tekjuársins 2018 til sérstakrar skoðunar. Áhrifavaldar og fyrirtæki sem stunda við þá viðskipti hafa fengið bréf þess efnis. Í bréfinu eru áhrifavaldar beðnir um að gera nánari grein fyrir tekjum sínum á síðasta ári. Þetta kemur fram í umfjöllun Viðskiptablaðsins (VB) um málið.

Í umfjöllun VB er tekið fram að RSK geti ekki veitt upplýsingar um hve margir áhrifavaldar fengu umrætt bréf.

Þess má geta að mismunandi er hvernig áhrifavaldar fá greitt fyrir þjónustu sína. Í einhverjum tilfellum er greitt með peningum en í öðrum tilfellum er greitt með vörum, inneignum og utanlandsferðum svo dæmi séu tekin.

AUGLÝSING


„Ætíð verður þó að hafa í huga þá meginreglu sem gildir að allar tekjur séu skattskyldar hvort sem þær eru í formi peninga eða annars konar verðmæta, nema þær séu sérstaklega undanþegnar skattskyldu í lögum,“ segir í upplýsingum um skattskil fyrir áhrifavalda sem er að finna á heimasíðu Ríkisskattstjóra. 

Þess má geta að í leiðbeiningum RSK er „áhrifavaldar“ eru skilgreindir sem „þeir sem hafa stóran hóp fylgjenda og geta haft áhrif á kauphegðun þeirra með auglýsingum og umfjöllun um vöru eða þjónustu. “.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum