Fimmtudagur 2. febrúar, 2023
1.6 C
Reykjavik

„Ég ætla ekki að fara að sýna honum Bjössa hvernig hann nauðgaði mér“

Helgarviðtalið

- Auglýsing -

Orðrómur

- Auglýsing -

„Ef hann yrði dæmdur fyrir nauðgun myndi ég reka hann,“ segir Björn Leifsson, eigandi World Class líkamsræktarveldisins, um ásakanir um nauðgun á hendur einkaþjálfara fyrirtæksins. Snemma á árinu var einkaþjálfari í World Class kærður fyrir nauðgun og er málið til meðferðar hjá ríkissaksóknara.

Björn segir málið vera persónulegt á milli konunnar sem kærði og einkaþjálfarans sem hún sakar um nauðgun. „Ef hann yrði dæmdur fyrir nauðgun myndi ég reka hann,“ sagði Björn í samtali við DV. Aðspurður segist hann einnig myndu grípa til aðgerða ef manninum yrði birt ákæra. Þá kemur fram í frétt DV að Björn telji að þau gögn sem konan hefur sýnt honum séu ófullnægjandi. Þannig sé kæran í málinu, eins og hún birtist honum, lítið annað en yfirsvert skjáskot.

„Ég ætla ekki að fara að sýna honum Bjössa hvernig hann nauðgaði mér,“ segir konan en skjáskotið sem Björn vísaði í sýnir greinilega hver kærði hvern til lögreglu og að kært hafi verið fyrir nauðgun. Verknaðarlýsing er hins vegar svert og ólæsileg, eðli málsins samkvæmt.

Hið meinta brot átti sér stað í febrúar 2016. Konan æfir sjálf hjá líkamsræktarveldinu og fullyrðir að þar hafi maðurinn ítrekað sýnt af sér ögrandi hegðun í hennar garð. „Hann ógnaði mér hreinlega í síðustu viku. Ég bað um að hann yrði færður til í starfi þannig að hann hætti að starfa í World Class Laugum svo ég fái að æfa í friði og þurfi ekki að óttast að hann ráðist á mig,“ segir hún.

Hinn kærði einkaþjálfari ræddi líka málið við DV. Hann harðneitar öllum ásökunum um nauðgun og segir þau einfaldlega hafa haft samfarir. Maðurinn segist vera tiltölulega rólegur yfir ásökununum þar sem samviska hans sé hrein.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -