Afmælisbarn dagins er hinn yndislegi og ástsæli leikari og tónlistarmaður, Eggert Þorleifsson. Um er að ræða stórafmæli en Eggert er 70 ára í dag.
Eggert hefur frá árinu 1980 leikið í fjöldi leikrita á sviðum Þjóðleikhússins ásamt því að leika í kvikmyndum og þáttum í gegnum árin. Meðal leikrita sem Eggert hefur leikið í má nefna Lér konung, Sjálfstætt fólk, Hamlett og Englar alheimsins. Hlutverk sem Eggert hefur leikið í kvikmyndum hafa lifað lengi með þjóðinni en þekktastir eru þeir Dúddi rótari úr Með allt á hreinu og Þór úr Lífsmyndum Þráins Bertelssonar, Nýtt líf, Dalalíf og Löggulíf.
Eggert hefur einnig getið sér gott orð sem tónlistarmaður en hann getur sungið og leikið á ýmis hljóðfæri eins og flautur, klarinettur, píanó, slagverk og orgel. Hefur hann spilað með hljómsveitum eins og Þokkabót, Hrekkjusvínum, Nasasjón og fjölda annarra, auk þess auðvitað að koma við sögu á fjölda platna tengdum leikhúsinu.
Mannlíf heyrði í afmælisbarninu og vildi vita hvort halda ætti upp á stórafmælið.
„Ég er búinn að því!“ svaraði Eggert hress. „Af því að það var engin leið að halda upp á það á mánudegi.“
Aðspurður um það hvað væri svo framundan hjá honum svaraði Eggert: „Ég ætla nú bara að sjá til sko. Ég er að hætta í Þjóðleikhúsinu. Það er bara lögbundið að hætta um sjötugt. En ég held áfram eitthvað að sýna svona sleikjur, eitthvað sem var verið að sýna í vor. Og það er svona ýmislegt sem leggst til.“
Mannlíf óskar Eggerti innilega til hamingju með afmælið!