Einar Kárason, rithöfundur og fyrrverandi varaþingmaður, er allt annað en sáttur við Útvarp Sögu. Hann segist muna að Útvarp Saga hafi verið kærkomið svar við „meiri mússík, minna mas“ sem var stefna útvarpsstöðva áður en Útvarp Saga var sett á laggirnar.
Útvarp Saga hefur fjallað um málefni Úkraínu líkt og flestallir fjölmiðlar, en þó með öðrum áherslum.
Einar segir í færslu sinni á Facebook:
„Saga var með umræðuþætti, fræðsluspjall um bíla, landafræði, sagnfræði, ofl. – bara frábær, og ekki gleymast rabbþættir Sig. G. Tóm og Guðmundar Ólafs: kongeligt. Nú prófa ég stundum að kveikja á Sögu, en lendi sífellt á upprifnum og einhuga samræðum útvarpsstjóra við menn sem skilja, telja réttlætanleg og sanngjörn morð og dráp á saklausum almenningi Úkraínu; nauðganir og fjöldaaftökur og annan verri hrylling.“
„Hvernig fór þessi ágæta hugmynd svona til helvítis? Og hver borgar fyrir viðbjóðinn?“