Ekkert nýtt smit og virkum smitum heldur áfram að fækka

Heildarfjöldi staðfestra COVID-19 smita er áfram 1.799 hér á landi. Ekkert nýtt smit hefur greinst á síðasta sólarhring. Virkum smitum fer fækkandi á milli daga en virk smit eru komin niður í 56.

Í gær voru 119 sýni rannsökuð á sýkla- og veirufræðideild Landspítalans. Þá voru 749 sýni rannsökuð hjá Íslenskri erfðagreiningu í gær.

Nú hafa 1.733 einstaklingar náð bata eftir að hafa smitast.

Næsti upplýsingafundur almannavarnadeildar ríkislögreglustjóra vegna COVID-19 verður á morgun, miðvikudaginn 6. maí kl. 14:00.