Miðvikudagur 27. mars, 2024
4.8 C
Reykjavik

Ekki í boði að fjársterk fyrirtæki „fari á ríkisspenann um leið og harðnar í ári“

VefTv

- Auglýsing -

Hlaðvörp

- Auglýsing -

Beita þarf viðurlögum verði fyrirtæki uppvís að misnotkun hlutabótaúrræðis ríkisstjórnarinnar. Þetta sagði Drífa Snædal, forseti Alþýðusambands Íslands (ASÍ), á upplýsingafund ASÍ nú síðdegis. Þar kynnti sambandið skýrslu um „réttu leiðina“ út úr kreppunni.

„Hvernig notum við tækifærið til að gera samfélagið okkar réttlátara og betra á tímum mikilla breytinga?“ segir í tilkynningu um fundinn. Drífa Snædal, Kristján Þórður Snæbjarnarson, formaður Rafiðnaðarsambandsins, og Sólveig Anna Jónsdóttir, formaður Eflingar, kynntu skýrsluna og svöruðu spurningum blaðamanna.

Samkvæmt skýrslu ASÍ eru aðgerðirnar í þremur liðum, þ.e. bráðaaðgerðir, uppbygging til framtíðar og eftirlit.

Drífa segir tillögur skýrslunnar vera vegvísir til framtíðar. Í ástandinu felist tækifæri til að endurskoða hvernig samfélagi við viljum búa í að sögn Drífu.

Hún segir lykilinn upp úr kreppunni vera að hugsa um hag almennings, það verður gert með því að m.a. tryggja húsnæðisöryggi, grunnframfærslu og lífsgæði fólks.

Fjársterk fyrirtæki fái ekki stuðning úr sameiginlegum sjóðum

- Auglýsing -

Drífa kom inn á hlutabótaúrræði ríkisstjórnarinnar á fundinum. Hún segir að nú þurfi að styrkja eftirlitsstofnanir.

Hún segir mikilvægt að fyrirtæki sem nýti hlutabótaleiðina uppfylli ákveðin skilyrði, þannig að hægt sé að koma í veg fyrir að vel stæð fyrirtæki sæki um stuðning úr sameiginlegum sjóðum. Úrræðið ætti bara að vera fyrir þau fyrirtæki sem raunverulega þurfa á því að halda. Hún tók fram að mikilvægt sé að fyrirtæki sem hafi áður getað greitt sér milljarða í arð og önnur sem hafi stundað „launaþjófnaði“ geti ekki nýtt sér neyðarúrræði og sótt um stuðning úr sameiginlegum sjóðum.

Drífa segir ekki í boði að fyrirtæki „fari á ríkisspenann um leið og harðnar í ári“ eftir að hafa áður greitt háar fjárhæðir til hluthafa í arð. Reglurnar þurfa að vera skýrar að mati ASÍ.

- Auglýsing -

Hún segir þá mikilvægt að setja á reglur um sektir og viðurlög vegna misnotkunar á hlutabótaleið ríkisstjórnarinnar. ASÍ leggur þá til að ef opinber stuðningur til fyrirtækja nemur 100 milljónum króna eða meira þá eignist ríkið hlut í fyrirtækinu í samræmi við stuðninginn.

Bækling ASÍ má skoða hérna.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -