- Auglýsing -
Mikill viðbúnaður slökkviliðs og lögreglu er nú vegna elds við Miklubraut í Reykjavík. Verið er að reykræsta íbúðina sem eldurinn kviknaði í.
Eldurinn kviknaði í kjallaraíbúð við Miklubraut 60. Íbúðin er í útleigu og samkvæmt heimildum Mannlífs er um að ræða leigueiningar þar sem allnokkur herbergi eru leigð út til einstaklinga.
Samkvæmt þeim upplýsingum sem íbúar hafa fengið er líklegt að kviknað hafi í út frá kæliskáp. Margir íbúar hússins standa nú fyrir utan það og hafa meðal annars fengið þau fyrirmæli að leita á sjúkrahús finni þeir fyrir óþægindum vegna reyks.
Myndir af vettvangi:
- Auglýsing -
