- Auglýsing -
Töluverðar breytingar eru fyrirhugaðar í Leifsstöð en í kynningargögnum frá Isavia segir að bætt verði við veitingastöðum í brottfararsal flugstöðarinnar. Þar sem Penninn er nú kemur veitingastaður sem tekur um 80 manns í sæti en hinn staðurinn mun rúma 200 matargesti.
Þremur veitingastöðum verður lokað vegna breytinganna en þeir eru Nord, Joe and the Juice og Loksins bar. Isavia mun opna nýjan sölustað fyrir samlokur, kaffi og fleira góðgæti.
Íslendingar hafa tekið ófáar „sjálfur“ á Loksins bar fyrir flug og hefur myndast ákveðin hefð í kringum barinn. Breytingarnar eru því spennandi en eflaust margir sem sjá á eftir barnum fræga.