Í vefmyndavél Vegagerðarinnar má sjá greiðfæra Reykjanesbrautina. Enginn snjór er á veginum og samkvæmt Vegagerðinni eru þar 17/ms í vindhraða. Margir sitja fastir í Keflavík en Reykjanesbraut hefur verið lokuð síðan í gær, að frátöldum þeim stutta tíma sem hún var opnuð í dag. Íbúar jafnt sem strandaglópar krefjast svara við því hvers vegna ekki sé heimilt að keyra brautina, enda er engan snjó að sjá á veginum.
Lögreglan á Suðurnesjum setti inn Facebook færslu, þar var sögð hætta á því að skaflar myndist hratt vegna vindhraða. Ekki allir virðast gleypa við þessari útskýringu, enda er óalgengt að Reykjanesbrautinni sé lokað, hvað þá svo sólahringum skipti. Utanlandsflugum hefur mörgum verið aflýst og eru því margir farþegar fastir á Keflavíkurflugvelli.
Uppfært: Búið er að opna fyrir Reykanesbraut, aðra leið, í átt að Keflavík.
