Fjölmargir stigu fram á Facebook og fordæmdu ummæli Ólafs Ragnars Grímssonar fyrrverandi forseta Íslands þau sem hann viðhafði um innrás Rússa í Úkraínu í viðtali við Egil Helgason á Ríkissjónvarpinu í þættinum Silfrinu þann 20. mars síðastliðinn.
Ólafur Ragnar og Egill ræddu ástandið í Úkraínu og um Pútín sem Ólafur Ragnar hefur margoft hitt. Og hefur hingað til borið honum vel söguna. Ýmsir sjónvarpsáhorfendur fannst sem hann væri jafnvel að afsaka gjörðir Pútíns í viðtalinu. Þá sagði Ólafur Ragnar að stækkun Atlantshafsbandalagsins til austurs hefði leitt til stærsta stríðs í Vestur-Evrópu frá lokum seinni heimsstyrjaldarinnar, NATO hefði í það minnsta ekki komið í veg fyrir það.
Guðmundur Andri Thorsson varaþingmaður Samfylkingarinnar og rithöfundur ritaði pistil eftir að hafa horft á hið umdeilda viðtal.
„Ólafur Ragnar Grímsson kom fram í Silfrinu sem talsmaður Pútíns, og talaði um innrás Rússa eins og nokkurs konar hryllilegar – en óhjákvæmlegar – náttúruhamfarir. Ólafur hefur alveg síðan í Alþýðubandalaginu talað eins og lönd Vestur-Evrópu séu ekki vinir og bandamenn Íslendinga heldur þvert á móti óvinir, og viljað að við litum annað eftir stuðningi.“
Guðmundur Andri segir að um hríð hafi hann talað eins og Ísland ætti að ganga í Asíu, og oft hafi hann og í gegnum tíðina mært Pútín.
Í dag birti Ólafur Ragnar myndband á twitter síðu sinni þar sem hann segir: „Raddir frá hinum megin“ (e. „Voices from the other side“). Með þessum orðum mætti segja að hann sé að staðfesta gagnrýnina sem hann fékk eftir viðtalið í Silfrinu.
Í myndbandinu lýsir Rússi því hvernig hann lítur á Úkraínu og er hægt að túlka það þannig að Ólafur hafi birt myndbandið á twitter síðu sinni, orðum mannsins í myndbandinu til stuðnings.
Í myndbandinu er maðurinn spurður hvernig hann áætli að stríðinu ljúki? Maðurinn svarar: Úkraína er ekki land – það þarf að koma því af yfirborði jarðar.
Hér er hægt að sjá umrætt myndband:
Voices from the other side. https://t.co/LP4x1Pj1AZ
— Ólafur Ragnar Grímsson (@ORGrimsson) April 5, 2022