Eydís nokkur óttast að hún muni aldrei sjá aurana sína aftur sem hún lét af hendi í viðskiptum á netinu við Nýju Vínbúðina. Þar verslaði hún 1. ágúst síðastliðinn og hefur enn ekki fengið vörur sínar afhentar, hvað þá að henni sé svarað í síma, netspjalli eða tölvupóstum.
Eydís segir frá reynslu sinni í fjölmennu samfélagi áhugafólks um verslun á netinu á Facebook, Verslun á netinu. Við skulum gefa henni orðið:
„Vildi bara vara ykkur við að versla á netinu við Nýju Vínbúðina! Pantaði hjá þeim 1.ágúst og ekkert séð enn, hef ítrekað reynt að ná á liðið á spjallinu og sent tölvupósta! Ég var mjög þolinmóð í byrjun en eftir að verða tvær vikur þá byrjaði ég á því að reyna að hringja!,“ segir Eydís og bætir við:
„Eftir 4 daga náði ég loksins inn og þá var varan aaaalveg að koma, eitthvað vesen með Dropp (sem virkar fullkomlega hjá öðrum fyrirtækjum)! Ég þakkaði fyrir, beið í nokkra daga og ekkert gerðist! Síðan hefur mér ekki verið svarað í símann, ekki á spjallinu og engum tölvupóstum! Ég er skíthrædd um að þessar 15.000 krónur sjái ég ekki meir…“
Nýja Vínbúðin hóf rekstur sinn síðastliðið sumar en verslun er bresk vefverslun sem þjónustar íslenskum markaði. Eigandi og framkvæmdastjóri er Sverrir Einar Eiríksson. Á síðu fyrirtæksins segir að verslunin bjóði upp á fjölbreytt úrval af öllum tegundum áfengis, hvort sem um er að ræða léttvín, bjór, sterkt áfengi, kampavín eða aðrar tegundir