Íslenskir fagfjárfestar hafa brennandi áhuga á að komast að í framleiðslu- og söluverkefni íslenska skyrsins á Bretlandseyjum. Þreifingar þess efnis hafa farið fram við MS án þess að gengið hafi verið frá formlegum samningum.
Samkvæmt heimildum Mannlífs hafa ýmsir þekktir íslenskir fagfjárfestar rætt skyrsöluna í Bretlandi við Mjólkursamsöluna. Allir eru þeir öllum hnútum kunnugir og vel tengdir þegar kemur að viðskiptum í Bretlandi.
Í undirbúningi er skyrverksmiðja í Wales þar sem Kaupfélag Skagfirðinga á stóran eignarhlut og er stefnt á að þar hefjist framleiðsla á íslensku skyri síðar í sumar. Í fyrra voru seld ríflega þúsund tonn af skyri í Bretlandi og því ljóst að eftir talsverðu er að slægjast fyrir íslenska fjárfesta. Komi þeir höndum yfir skyrið má telja líklegt að hlutur íslenskra bænda, sem hingað til hafa verið burðarstoðin í skyrútrásinni sem aðaleigendur MS, komi til með að þynnast út á næstu misserum.
Lestu allt um málið í Mannlífi.