Fjármálaeftirlit Seðlabankans rannsakar söluna á Íslandsbanka – Hagfræðingur vill riftingu

Fjár­mála­eft­ir­lit Seðla­bank­ans hefur hafið athugun á til­teknum atriðum tengdum fram­kvæmd­inni á söl­unni á Íslands­banka. RÚV greinir frá þessu.

Í sam­tali við frétta­stofu RÚV segir Sigurður Val­geirs­son, upp­lýs­inga­full­trúi Seðla­bank­ans, að bank­inn geti ekki tjáð sig um mál­efni sem tengj­ast söl­unni beint, vegna eft­ir­lits­hlut­verks bank­ans.

Fram­kvæmd við sölu á hluta rík­is­ins í Íslands­banka hefur verið harð­lega gagn­rýnd síð­ustu daga. Til að mynda hefur það verið gagn­rýnt hversu margir smærri fjár­festar fengu að fjár­festa í hluta­bréfum á afslátt­ar­kjörum. Meðal fjár­festa voru þekkt nöfn úr banka­hrun­inu.

Á vef RÚV segir að hag­fræð­ingur sem sat í rann­sókn­ar­nefnd um banka­hrunið telji að lög hafi verið brotin í tengslum við söl­una á hluta­bréf­unum. Hann telur að best væri rifta samn­ingum við minni fjár­fest­ana.

Eitt af því sem hefur verið gagn­rýnt harð­lega við útboðið er kostn­að­ur­inn, sem nam 700 millj­ónum króna og tekur hag­fræð­ing­ur­inn undir þá gagn­rýni.