- Auglýsing -
Samherji hefur fest kaup á skoska uppsjávarskipinu Christina S en skipið kom til Reykjavíkur í gær. Mun það bera nafnið Margrét EA 710. Er þetta fjórða skipið sem bera mun nafnið Margrét, í sögu útgerðarfélagsins.
Akureyri.is sagði frá þessu og hafði upplýsingarnar eftr heimasíðu Samherja. Þar kemur fram að skipið hafi verið smíðað í Noregi árið 2008 og er 72 metrar á lengd og 15 metrar á breidd. Þá kemur fram á vef Samherja að Margrét EA 710 sé vel búið skip á allan hátt en til dæmis hafi aðalvélin aðeins verið keyrt í 16.400 klukkustundir. Þá eru þrettán kælitankar í skipinu, sem rúm samtals liðlega tvö þúsund tonn af fiski.
Áformað er að Margrét EA 710 fari fljótt á loðnumiðin en skipstjórinn er Hjörtur Valsson.