2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Fjórir nýir áfangastaðir í júlí

Í tilkynningu frá Isavia segir að áhugi flugfélaga á Íslandsferðum sé að aukast og að það sé ánægjulegt að sjá líf færast aftur inn á Keflavíkurfluvöll. Núna er flogið til og frá 21 áfangastað og fjórir nýir áfangastaðir bætast við í næsta mánuði.

Í tilkynningu Isavia segir að síðan landamæraskinum á Keflavíkurflugvelli hófst þann 15. júní hafi sjö flugfélög hafið flug til og frá landinu þar sem flogið er frá 21 áfangastað í 15 löndum og að fleiri flugfélög sýni nú Íslandi áhuga.

Í næsta mánuði munu þrjú flugfélög bætast í hóp þeirra sem nú fljúga til landsins og þannig bætast fjórir nýir áfangastaðir við í júlí. Hér má nálgast upplýsingar um þau flugfélög sem fljúga til Íslands núna.

„Fréttir berast næstum daglega af fyrirætlunum ýmissa flugfélaga varðandi Íslandsferðir sem er í takt við væntingar í ljósi sérstöðu Íslands sem áfangastaðar og vonir eru bundnar við það að það mun fjölga enn frekar á komandi vikum á mánuðum á sama tíma og takmörkunum og ferðahindrunum fækkar,“ segir í tilkynningu Isavia.

AUGLÝSING


Í tilkynningunni segir að starfsfólk Isavia fagni því að sjá aukið líf á flugvellinum.

Lestu meira

Annað áhugavert efni

Nýjast á Mannlíf.is

Nýjast á Gestgjafanum