Haustlægðirnar eru byrjaðar að gera vart við sig og búast má við vaxandi vindi í dag og í kvöld og nótt verður víða stormur. Er fólki bent á að huga að garðhúsgögnum og öðrum lausamunum til að forðast tjón.
Samkvæmt Veðurstofu Íslands má reikna með að hvassast verði norðvestanlands. Þar segir: „Vaxandi suðvestanátt, 10-18 m/s um hádegi og 15-23 undir kvöld, hvassast norðvestanlands. Súld eða rigning, en yfirleitt þurrt á austanverðu landinu. Hiti 10 til 20 stig, hlýjast á Austfjörðum.
Víða vestan stormur á landinu í nótt.
Snýst í norðvestan 20-28 m/s á morgun, en mun hægari vindur á vestanverðu landinu. Hættulegar vindhviður á Suðausturlandi og Austfjörðum. Rigning nærri sjávarmáli á Norður- og Austurlandi, en slydda eða snjókoma á heiðum og til fjalla. Bjartviðri sunnan- og vestanlands. Hiti í byggð frá 2 stigum í innsveitum á Norðausturlandi, upp í 10 stig syðst á landinu.“