Það styttist í forsetakosningar sem fara fram 17. júní. Guðni Th, Jóhannesson forseti Íslands gefur kost á sér áfram í embætti. Aðrir sem hug hafa á framboði þurfa að skila framboði sínu og tilheyrandi gögnum til dómsmálaráðuneytisins fyrir miðnætti föstudaginn 22. Maí.
Fréttablaðið fer í dag í liðnum „Frá degi til dags“ yfir að þegar hefur einn einstaklingur gefið út að hann hyggist bjóða sig fram, Axel Pétur Axelsson.
Farið er yfir aðra líklega frambjóðendur, og kemst blaðamaður að þeirri niðurstöðu að forsetaframbjóðandinn sé í eðli sínu mesti smitberi sem til er.
Einn sem nefndur er á nafn er Guðmundur Franklín Jónsson, sem ekkert hefur gefið upp um framboð í ár., en hann bauð sig fram fyrir fjórum árum og dró framboð sitt til baka.
„Mér finnst nú svolítið sætt þegar Fréttablaðið reynir að draga úr mögulegum forsetaframbjóðendum með þessum hætti. Ég er nú bara þannig gerður að þetta hleypir heldur hita í mig en að draga úr mér og hyggst ég nú alvarlega skoða þann möguleika að bjóða mig fram,“ segir Guðmundur í færslu á Facebook þar sem hann deilir frétt Fréttablaðsins.
„Vesalings labbakútarnir eru greinilega farnir að skjálfa á beinunum yfir að sá sem storkar sitjandi forseta muni líklega bera sigur af hólmi. Ætli öll vötni falli nú ekki til Dýrafjarðar og ég verði að fara að gera upp hug minn von bráðar?“