„Það verður bara svo að vera,“ segir Gylfi Ólafsson, forstjóri Heilbrigðisstofnunar Vestfjarða, um mögulega málsókn á hendur honum sem Anna Aurora Waage Óskarsdóttir bakvörður hefur boðað.
Forstjórinn leggur áherslu á að hann meðan málið sé í rannsókn lögreglu vilji hann ekki tjá sig efnislega um það en segir ljóst að þetta hafa verið tilkynnt til lögreglu með heill sjúklinga og starfsfólks í huga.
„Mín stærsta skylda er gagnvart sjúklingum, skjólstæðingum og starfsfólki. Lykilatriðið er að vernda alla og við gátum ekki tekið neina áhættu í þeim efnum að öryggi sé ógnað. Það lá algjörlega fyrir. Þetta er í rannsókn lögreglu og hún sér um rest,“ segir Gylfi sem fagnar því að allir bakverðirnir sem hjá honum eru hafi reynst neikvæðir eftir sýnatöku.
Sjá einnig: Einkaviðtal við bakvörðinn: „Ég var meðhöndluð eins og stórglæpamaður“
„Okkur er heldur betur létt að sýni allra bakvarðanna hafi reynst neikvæð. Núna náum við að sinna skjólstæðingum á sem mannlegastan hátt án þess að vera í fullum hlífðarbúnaði.“
Sjá einnig: Falski bakvörðurinn á framboðslista í síðustu kosningum – „Harmleikur“ segir fyrrverandi samstarfsmaður