Stundin greinir frá því að Geir Guðmundsson, meðlimur í kjörstjórn í Kópavogi, hafi kært til lögreglu mögulegt kosningasvindl í Kraganum svokallaða, suðvesturkjördæmi. Hann segir grun hafa vaknað um svinld og telur ljóst að rannsaka þurfi málið til hlýtar.
Það er því í höndum lögreglunnar að rannsaka mögulegt kosningasvik í tveimur kjördæmum, suðvestur og norðvestur eins og frægt er orðið. Geir segir að umboðsmaður Sósíalistaflokksins, Baldvin Björgvinsson, hafi orðið var við mögulegt svind við talningu. „Ef það er rétt vaknar grunur um kosningasvik,“ segir Geir í kærunni.
Kæran snýr að því að Baldvin hafi séð tvær útgáfur af utankjörfundarseðlum í notkun en ekki bara sú sem dómsmálaráðuneytið útvegaði. Samkvæmt Stundinni hefur landskjörstjórn nú þegar sent fyrirspurn vegna málsins til dómsmálaráðuneytisins og niðurstaða ráðuneytisins var að sú að formaður yfirkjörstjórnar í Suðvesturkjördæmi hafi fullyrt ekki var önnur tegund af utankjörfundarseðlum í notkun í kjördæminu.
Geir vill að lögregla rannsaki hvort finnast öðruvísi utankjörfundaratkvæðaseðlar finnist í kjördæmi og þá möguleg kosningasvik samkvæmt því. Baldvin, umboðsmaður Sósíalistaflokks Íslands í Suðvesturkjördæmi, segir í samtali við Stundina að honum þyki umrædd kæra vera „eðlilegt framhald“ í ljósi þess hvernig dómsmálaráðuneytið svaraði ábendingu hans. „Mér þykir bara fullkomlega eðlilegt að þetta verði skoðað, að atkvæðaseðlarnir verði skoðaðir. Ég veit hvað ég sá,“ segir Baldvin.