Föstudagur 27. janúar, 2023
3.1 C
Reykjavik

Gekk fram á vændiskonu í Heiðmörk – Bauð blíðu sína með amerískum hreim – „Are you Jón?“

Helgarviðtalið

- Auglýsing -

Orðrómur

- Auglýsing -

Útivistarmaður nokkur segir farir sínar ekki sléttar eftir göngu í Heiðmörk síðastliðinn mánudag. Þar segist hann hafa lent í því að erlend vændiskona hafi boðist til að selja honum blíðu sína og það um hábjartan dag. Konan virðist hafa mælt sér mót í Heiðmörk við annan mann, Jón nokkurn, og farið mannavilt. Útivistarmaðurinn leiðrétti þann misskilning en þá stóð ekki á svörum hjá konunni. Hún spurði hann: „May I blow you?“

Maðurinn segir frá þessari lífreynslu á Facebook en í samtali við Mannlíf biðst hann undan því að nafn sitt sé tengt við atvikið. Hann segir að þó hún hafi engin lög brotið, þá hljóti flestir að vera sammála því að Heiðmörk sé ekki vettvangurinn fyrir þessi viðskipti. Hann lýsir atvikinu nánar og segir:

„Ég var við vatnið á leið frá Kópavogi. Við bílastæðið rétt neðan við Þingnes stóð stór nýlegur svartur bílaleigujeppi.  Þegar ég hjóla hjá bílnum, þá skrúfar kona sem er þar ein, niður rúðuna og kallar til mín. Ég ekkert nema góðmennskan, auðvitað, og rúlla til hennar. Reikna með að hún sé vilt eða bíllinn bilaður. Þetta er stórglæsileg kona, ef ég nefndi kynþáttinn gæti ég verið sakaður um kynþáttafordóma, og talar með þykkum amerískum hreim og brosti út að eyrum,“ segir maðurinn. Hann segir samtalið hafa verið sirka svona:

„„Are you Jón?“

Nei, ég var ekki Jón.

„I’m waiting for him. Are you sure?“

- Auglýsing -

Svo fór ég aftur af stað og bað fyrir kveðju til Jóns.

Var kominn smá frá bílnum þegar hún kallaði aftur.

Ég kom að bílnum farþegamegin og rúðan alveg niðri.

- Auglýsing -

Þá bara spurði daman: „May I blow you?“

Það kom fát á mig. Vissi ekki hvað ég ætti að segja.

Vinkaði bless og sagði „Sorry, not for me.““

Að lokum bendir hann þó réttilega á að þó þetta sé vissulega fyndið atvik þá sé mikil eymd og neyð sem liggur að baki. „Ég hjólaði mína leið og gat ekki annað en hlegið, þó þetta sé á vissan hátt sorglegt. Þarna var bara vændiskona að bíða eftir kúnna sem ekki skilaði sér. Þá þurfti hún auðvitað að grípa næsta mann sem átti leið hjá. Já og bjartsýnin að reyna að nappa krókloppinn og kófsveittan hjólara.“

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -