Föstudagur 7. október, 2022
4.8 C
Reykjavik

Glúmur hættur að verja föður sinni – Getur þó ekki þagað yfir framferð Egils

Helgarviðtalið

- Auglýsing -

Orðrómur

- Auglýsing -

Glúmur Baldvinsson segist ekki ætla að eyða meiri tíma í að verja föður sinn, Jón Baldvin Hannibalsson, né halda á lofti minningu ættar sinnar. Hann segist þó ekki geta orða bundist yfir framferð Egils Helgasonar. Glúmur sakar hann um hylma yfir sögu Ísafjarðarbæjar í nýjum þáttum á RÚV, Bæir byggjast.

Glúmur skrifar á Facebook: „Nú nenni ég ekki að eyða restinni af lífinu í að verja og halda á loft minningu feðranna. Svo þetta er síðasta athugasemdin. Í gær hófst þáttaröð á RÚV í umsjá Egils Helgasonar. Frábær þáttur um mínar æskustöðvar Ísafjörð. Þátturinn snerist um arkitektúr og uppbyggingu þorpsins. Bærinn var eitt sinn nefndur Rauði bærinn því kratar réðu þar öllu á fyrri helft síðustu aldar og lengur og voru í forystu fyrir bættum kjörum verkafólks. Vissulega er fjallað um það og byggingu Alþýðuhússins Mekka kratismans á Íslandi.“

Hann segir þó óeðlilegt að nefna ekki Hannibal á nafn í þessum þætti. „En ég spyr hvernig er hægt að minnast á það hús án þess að nefna Hannibal á nafn? Til þess þarf mikla kúnst og mögulega einbeittan vilja. En Agli Helgasyni tókst það. Hann fann hins vegar tilefni til að minnast sérstaklega á Grím nokkurn rakara. Með fullri virðingu fyrir skeggi og hársnyrtingu þá spyr ég hvernig er hægt að komast hjá því í umfjöllun um Rauða bæinn og forystumenn verkalýðsbaráttu á Íslandi án þess að nefna Hannibal? Bannfærð sjónarmið?“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -