Miðvikudagur 29. júní, 2022
14.8 C
Reykjavik

Gói syngur á ný: „Pínu vanhugsað að ferma daginn eftir afmælið mitt“

Helgarviðtalið

- Auglýsing -

Orðrómur

- Auglýsing -

Guðjón Davíð Karlsson á afmæli í dag. „Hver er það?“ gæti einhver spurt. Jú, þetta er enginn annar en hinn stórskemmtilegi stórleikari Gói sem er 42 ára í dag. Sem þýðir að hann hafi fæðst á hinu frábæra ári 1980.

Gói er með vinsælli leikurum þjóðarinnar en hann er jafnvígur í gaman og dramaleik. Meðal þekktustu verka sem Gói hefur tekið þátt í eru Sveppamyndirnar, Lof mér að falla, Ófærð og Verbúð. Þá hefur hann einnig slegið í gegn í ýmsum leikritum á fjölum leikhúsanna. Og ekki má gleyma því þegar Gói lyfti Stundinni okkar á annað plan en hann stjórnaði þeim vinsæla krakkaþætti um nokkurra ára skeið ásamt Kristínu Þóru Haraldsdóttur.

Mannlíf heyrði í Góa hljóðið og forvitnaðist um afmælisdaginn hans.

„Heyrðu, ég ætla bara að hafa það rólegt með fjölskyldunni en stóra verkefni dagsins er fermingarundirbúningur. Frumburðurinn fermist á morgun. Þannig að dagurinn fer svolítið bara í það að hnýta síðustu lausu endana og græja salinn og svona, þannig að afmælið er svolítið að falla í skuggann. Kannski pínu vanhugsað að ferma daginn eftir afmælið mitt,“ sagði Gói eldhress.

Aðspurður hvort hann fengi ekki einu sinni afmælisköku í tilefni dagsins sagðist Gói efast um það. „Nei ætli ég fái ekki bara einhverja afganga á morgun. En þessi mistök verða ekki gerð aftur!“ sagði Gói og hló.

En hvað er framundan hjá Góa?

- Auglýsing -

„Ég er að leikstýra Ávaxtakörfunni sem verður frumsýnd í Hörpu á laugardaginn eftir viku. Svo er ég að fara að taka þátt í Jesus Christ Superstar sem verður sýnd í Eldborg á Skírdag. Og svo er ég, Halli vinur minn og Jón Ólafsson með tónleika í Salnum 22. apríl. Ég og Hallgrímur Ólafsson höfum verið að koma fram með svona leikhúsprógram, söngleikjalög og lög úr öllum áttum innan leikhúsrammans. Og nú ætlum við að vera með Jóni Ólafs. Verðum á Akranesi í næstu viku og svo í Salnum í Kópavogi og erum alveg rosalega spenntir fyrir því. Svo er ég bara að æfa í Þjóðleikhúsinu. Er að æfa söngleik sem heitir Sem á himni, sem verður frumsýndur næsta haust. Það er langt síðan ég hef verið í söngleik og nú fær ég bara nokkar söngrullur í röð sem er bara ótrúlega skemmtilegt.“

Þegar blaðamaður Mannlífs ráðleggur honum í lok símtalsins að koma við í bakaríi til að kaupa sér að minnsta kosti sneið af afmælisköku tekur Gói vel í það. „Já ég verð eiginlega að gera eitthvað. Ég er að vona að kona mín komi heim með eitthvað sko. Þú getur kannski droppað hintum til hennar með þessari afmælisfrétt?“ sagði Gói hress að vanda. Og hér er vísbending til konu Góa: Skrepptu í bakarí og keyptu eitthvað gotterí handa karlinum.

Mannlíf óskar Góa innilega til lukku með afmælið!

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -