- Auglýsing -
Það stefnir í að gosið sem hófst í dag verði fimm til tíu sinnum öflugra en gosið í fyrra. Þetta sagði Magnús Tumi Guðmundsson, prófessor í jarðeðlisfræði, í beinni útsendingu á RÚV rétt í þessu.
Allar horfur eru á því að þetta verði ekki gos sem fjölskyldur skoði á sunnudagseftirmiðdögum, ólíkt gosinu í fyrra. Hann sagði ekki auðvelt að spá fyrir um hvað gerðist næst. Nú rennur hraun niður í Meradal og gera menn ráð fyrir því að það breytist ekki, nema gosið verið lífseigt.
Gosið getur raskað lífi fólks á Suðurnesjum því að sögn sérfræðinga þá er gasmagnið talsvert meira en í fyrra. Við núverandi aðstæður, í dæld, sé það þekkt að hættulegt gas geti safnast fyrir. Veðurkonan Elín Björk Jónasdóttir varði við mögulegum eiturgufum.