- Auglýsing -
Forseti Íslands, Guðni Th. Jóhannesson, er kominn í smitgát.
Þetta tilkynnti hann nú fyrir skemmstu. Ástæðan er heimsókn hans í Valsárskóla á Svalbarðaströnd, en nemendur þar eru meðal fólks sem greinst hafa með Covid-19 á norðanverðu landinu undanfarna daga. Forseti Íslands heimsótti skólann síðasta miðvikudag og þarf því að vera í smitgát næstu daga. Guðni Th. Jóhannsson segist munu þurfa að fresta fundum og viðburðum næstu daga vegna málsins, en segir að finna megi lausnir á því.
„Ég sendi krökkunum nyrðra hlýjar kveðjur, þakka aftur fyrir góðar móttökur og óska þeim, sem hafa smitast af veirunni, góðs bata,“ segir forsetinn í tilkynningu sinni.