Gunnar Hrafn Jónsson, fjölmiðlamaður og fyrrum þingmaður Pírata, kallar eftir átaki gegn sjálfsvígum.
Gunnar Hrafn, sem sjálfur hefur glímt við þunglyndi og verið opinn með það, minntist í dag besta vinar síns sem tók sitt eigið líf fyrir 22 árum síðan. Bendir hann einnig á að meira en 40 Íslendingar falli fyrir eigin henda en fleiri látast af þeim völdum en í umferðarslysum. Í færslunni kallar Gunnar Hrafn einnig eftir þjóðarátaki þar sem stjórnvöld eru krafin alvöru breytinga og fjárveitingu í samræmi við alvarleika vandans.
Færslan birtist hér í heild sinni með góðfúslegu leyfi Gunnars Hrafns
„Í dag eru 22 ár liðin síðan besti vinur minn kvaddi þennan heim. Meira en fjörutíu Íslendingar falla fyrir eigin hendi á hverju ári en það væri hægt að lækka þá tölu mikið og hlífa mörgum fjölskyldum og aðstandendum við ólýsanlegum sársauka – einfaldlega með því að uppfæra geðheilbrigðiskerfið okkar fyrir 21. öldina.