Gunnar Smári segir láglaunafólk vilja tengja laun sín við vísitölu og gerir grín að Katrínu Jakobsdóttur sem heldur öðru fram.
Gunnar Smári Egilsson stofnandi Sósíalistaflokksins er duglegur að gagnrýna ríkisstjórn Katrínar Jakobsdóttur opinberlega, hvort sem heldur er í gegnum pistlaskrif á fjölmiðlum eða á samfélagsmiðlunum. Í nýjustu færslu sinni í Sósíalistahópnum á Facebook hlekkjar hann frétt við þar sem forsætisráðherrann segist efa um að fólk vilji vísitölutengja launin sín. Skrifar Gunnar Smári stuttan en hnitmiðaðan texta þar sem hann gerir grín að Katrínu.
„Katrín efast um að fólk vilji 75% launahækkun eins og ráðherrar hafa fengið síðustu sex ár fremur fremur en 41% hækkun eins og lægstu laun hafa hækkað á sama tíma. Katrín telur að fólk vilji frekar 106 þúsund en 974 þúsund. Það er merkilegt að fréttamenn geti tekið viðtöl við Katrínu án þess að springa úr hlátri.“