Guðríður Haraldsdóttir, fyrrum prófarkalesari Birtíngs er með húmorinn í góðu lagi. Hefð hefur skapast í kringum afmæli hennar en þá hefur hún boðið fólki heim í veislu en þar bíður hún upp á afmælistertu en áletrunin er ávallt ansi skondin og oftar en ekki með skírskotun í eitthvað nýlegt.
Guðríður eða Gurrí eins og hún er yfirleitt kölluð, er hætt hjá Birtíngi og ákvað því að skrifa eftirfarandi áletrun á tertu þessa árs:
„Sko, þetta var bara grín … að ég væri svo ómissandi að allt myndi fyllast af villum án mín! ég pantaði tertuna sjálf og bakarinn breytti Bit-ringi í Birting,“ sagði Gurrý í samtali við Mannlíf. Bætti svo við: „Hélt fàmennt boð í ár. Hef haldið upp á afmælið síðan ég var 29 ára en ég varð 64 í ár. Þrátt fyrir fámennið vildi ég hafa tertu með áletrun … Hinn prófarkalesarinn hjá Birtíngi sem er þar enn kom í afmælið og móðgaðist ekkert þrátt fyrir áletrunina. Þær hafa verið skrautlegar í gegnum árin …“ sagði Gurrý hress.
Hér eru dæmi um áletranir fyrri ára:
Þegar Runólfur nokkur var ráðinn í eitthvað embætti en sú ráðning dregin til baka stóð á kökunni „Velkominn til starfa Runólfur“
Eitt sinn var strik eftir kökunni sem skipti henni upp í 4/5 þar sem stóð “Þeir sem færðu gjafir” og 1/5 þar sem stóð HINIR.