Gunnar Smári Egilsson hæddist að ríkisstjórn Katrínar Jakobsdóttur í færslu á Facebook í dag. Sagði hann að ríkisstjórnin hefði horft saman að krýningu Karls III í morgun til að punkta hjá sér það sem sem þeim finnst mega nota á komandi leiðtogafundi Evrópuráðs.
Öll heimsbyggðin veit að Karl III Bretlandskonungur var krýndur í morgun í rándýrri hátíðarathöfn, sem skattgreiðendur þurfa að kosta. Gunnar Smári, sem er þekktur fyrir að vera hvassyrtur dróg ekkert undan í hæðni sinni í hópi Sósíalista á Facebook en þar gerir hann grín að ríkisstjórn Íslands. Ímyndar hann sér í færslunni hvaða hugmyndir ráðherrarnir hafi skrifað niður.
„Ríkisstjórnin hittist í Ráðherrabústaðnum í morgun og horfir saman á krýningu Karls þriðja, ráðherrarnir punkta hjá sér það sem finnst mega nota á leiðtogafundi Evrópuráðsins. Sameiginleg niðurstaða þeirra er að ef vel tekst til muni almenningur gleyma hrörnandi lífskjörum og getuleysi stjórnvalda. Við getum ekki varið fé almennings betur en í aukinn glamúr fyrir okkur sjálf, skrifaði einn ráðherrann. Því meiri glamúr kringum valdastéttina, því meiri sátt í samfélaginu. Það er lögmál. Fólk er sannarlega fífl, bætti annar við, það hefur margsannað sig. Annars værum við varla hér, hló sá þriðji, það voru mest fífl sem kusu okkur. Og þá hlógu allir.“