2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

„Hann er náttúrlega bara krakkaskítur úr Garðabæ“

Mannlíf tók saman nokkur áhugaverð ummæli sem voru látin falla í vikunni.

 

„Hann er náttúrlega bara krakkaskítur úr Garðabæ. Hann er fæddur 1975. Þetta er fáránlegt.“

-Sigurjón Kjartansson, handritshöfundur og annar umsjónarmaður útvarpsþáttarins Tvíhöfði, um Sigmund Davíð Gunnlaugsson, formann Miðflokksins

„Af sjónarhóli kerfis sem er upptekið við að sóa peningum í alls konar dót, eins og misheppnað íbúðabrask eða kola- og peningabrennandi stóriðju, koma aðstandendur sterkir inn þegar svona mál eins og umönnun þurfandi fólks er annars vegar.“

AUGLÝSING


-Guðmundur Steingrímsson segir velferðarkerfið á Íslandi vera að bregðast.

„Þegar ég fletti og las í Tímanum og vatninu eftir Andra Snæ út í bókabúð velti ég fyrir mér hvort þessi bók hefði ekki fæðst andvana, að hún kæmi ekki út fimm árum of seint. Við hlið hennar lá í bókabúðinni bók um Gretu Thunberg, sem hefur þegar tekist það sem Andri ætlaði sér með bókinni sinni; að flytja niðurstöður vísindamanna inn í vitund almennings.“

-Gunnar Smári Egilsson, athafnamaður og sósíalistaforingi, segir bók Andra Snæs Magnasonar óþarfa.

„Furðuleg pæling. Andri Snær hefði átt að sleppa því að skrifa bókina? Annar hvor listamaður ætti að sleppa því að tjá sig um umhverfismál af því að Greta Thunberg er búin að því nú þegar?“

-Þórarinn Leifsson rithöfundur.

„Í flestum tilvikum eru skjólstæðingar ríkisins tölur á blaði eða málsnúmer, en í þessum tilvikum er mikilvægt að líta á mannlega þáttinn.“

-Áslaug Arna Sigurbjörnsdóttir dómsmálaráðherra ætlar að beita sér fyrir því að nálgun ríkisins við þolendur kynferðisbrota verði manneskjulegri.

„Það er eins og ég hafi farið inn á mjög heilagt yfirráðarsvæði kvenna þar sem fötlun mín ógnar hugmyndum um yfirburði ófatlaðs kvenlíkama þegar kemur að móðurhlutverkinu.“

-Freyju Haraldsdóttur, þroskaþjálfa og fötlunaraktívista, sem hefur barist fyrir því að fá að gerast fósturforeldri sárnar að finna ekki fyrir stuðningi úr röðum femínista á Íslandi.

„Ég tel að stjórnmálin undanfarin ár einkennist af forherðingu stjórnmálanna framar öllu öðru.“

-Björn Leví, þingmaður Pírata.

„Einhvers staðar verða vondir að vera.“

-Teitur Atlason um Facebook-grúppuna Brandarasíða fyrir lengra komna 18+.

Ekki missa af þessum

Annað áhugavert efni

Nýjast á Mannlíf.is

Nýjast á Gestgjafanum