2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Heildarfjöldi farþega dregst saman um 54%

Samkomubann og ferðatakmarkanir vegna útbreiðslu COVID-19 hafði þau áhrif að farþegum Icelandair fækkaði verulega í mars. Heildarfjöldi farþega hjá Icelandair í mars var um 123 þúsund og dróst saman um 54% á milli ára.

Þetta kemur fram í mánaðarlegum flutningatölum fyrir marsmánuð sem Icelandair Group birti í Kauphöll í gær.

Farþegar Icelandair til Íslands voru um 67 þúsund í mars, samanborið við 121 þúsund í mars í fyrra, og fækkaði því um 44%. Farþegum frá Íslandi fækkaði um 48% og tengifarþegum fækkaði um 68%. Heildarframboð minnkaði um 44% á milli ára.

Fjöldi farþega hjá Air Iceland Connect var um 11 þúsund í marsmánuði og fækkaði um 51% á milli ára. Framboð minnkaði um 42% og var sætanýting 56.6% samanborið við 68.0% í mars 2019.

AUGLÝSING


Fraktflutningar drógust saman en mun minna en farþegaflutningar í marsmánuði en á helstu flutningaleiðum hefur allt framboð verið að fullu nýtt.

Lestu meira

Annað áhugavert efni

Nýjast á Mannlíf.is

Nýjast á Gestgjafanum