Föstudagur 29. mars, 2024
-3.2 C
Reykjavik

Heimkomusmitgát tekur gildi á morgun

VefTv

- Auglýsing -

Hlaðvörp

- Auglýsing -

Íslenskir ríkisborgarar og þeir sem eru búsettir á Íslandi og hafa samþykkt að fara í skimun á landamærunum þurfa frá og með morgundeginum að fara í fimm daga heimkomusmitgát eftir komu til landsins, þar til niðurstöður úr seinni sýnatöku liggja fyrir.

Þetta er í samræmi við tillögu Þórólfs Guðnasonar sóttvarnalæknis sem Svandís Svavarsdóttir heilbrigðisráðherra hefur samþykkt. Fái þeir neikvæða niðurstöðu úr síðari sýnatöku ber þeim ekki lengur að viðhafa heimkomusmitgát en jákvæð niðurstaða leiðir alltaf til einangrunar.

Er gripið til þessara ráðstafana til að draga úr líkum á að röng niðurstaða úr skimun á landamærum leiði til hópsmita. Þeir sem ekki fara í skimun á landamærunum þurfa að fara í fjórtán daga sóttkví.

Á heimasíðu Landslæknisembættis segir að um einstaklinga sem ber að viðhafa heimkomusmitgát gildir að þeir skuli:

– ekki fara á mannamót eða veislur þar sem fleiri en tíu manns eru saman komnir,
– ekki vera í samneyti við fólk sem er í aukinni áhættu fyrir alvarleg veikindi/viðkvæma hópa,
– gæta að tveggja metra reglunni í samskiptum við aðra,
– ekki heilsa með handabandi og forðast faðmlög, huga vel að einstaklingsbundnum sóttvörnum.

Einstaklingum sem ber að viðhafa heimkomusmitgát er hins vegar heimilt að:
– nota almenningssamgöngur til að komast á áfangastað,
– fara í bíltúra,
– fara í búðarferðir,
– hitta vini og kunningja með ofangreindum takmörkunum.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -