Fimmtudagur 18. ágúst, 2022
10.8 C
Reykjavik

Hlutabréfaverð Alvotech ekki verið lægra frá skráningu á markaði

Helgarviðtalið

- Auglýsing -

Orðrómur

- Auglýsing -

Hlutabréfaverð líftæknifyrirtækisins Alvotech hefur ekki verið lægra frá skráningu, á bæði bandarískum og íslenskum markaði. Verðið hefur fallið um 37,4 prósent frá skráningu á bandaríska markaðinn. Þetta kemur fram í Viðskiptablaðinu.

Hlutabréfaverð Alvotech á bandaríska Nasdaq-markaðnum stóð í 7,0 dölum á hlut við lokun markaða í gær. Þetta er lægsta hlutabréfaverð fyrirtækisins frá skráningu þess á markaðinn þann 16. júní síðastliðinn.

Við lokun markaða á fyrsta degi Alvotech á bandaríska Nasdaq-markaðnum stóð gengið í 11,19 dölum á hlut. Síðan þá hefur verðið lækkað um 37,4 prósent.

Hlutabréfaverð fyrirtækisins hefur sömuleiðis lækkað á íslenska First North-markaðnum. Þar hafa hlutabréfin lækkað um 8,7 prósent í 27 milljóna veltu í dag. Gengið hefur ekki verið lægra frá því það var skráð á íslenska markaðinn í Kauphöllinni þann 23. júní síðastliðinn, en það stendur nú í 1.032 krónum á hlut.

Fyrirvari 1: Róbert Wessman hefur verið kærður til lögreglu fyrir aðild og yfirhylmingu í tengslum við innbrot á skrifstofur Mannlífs. Honum hefur margsinnis verið boðið að tjá sig um þessi mál í Mannlífi, en ekki orðið við áskoruninni. 

Fyrirvari 2: Ritstjóri Mannlífs vinnur að heimildabók um Róbert sem að hluta til er fjármögnuð af félagi sem er í eigu fyrrverandi samstarfsmanns auðmannsins. Vonast er til þess að bókin komi út fyrir lok árs, á íslensku og ensku. Lagt er upp með að segja sögu hans af heilindum. 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -