Föstudagur 3. febrúar, 2023
2.8 C
Reykjavik

Hneykslast á orðum Agnesar: „Má ég kannski biðja um svoleiðis þöggun?“

Helgarviðtalið

- Auglýsing -

Orðrómur

- Auglýsing -

Orð Agnesar Sigurðardóttur biskups um þöggun sem væri „í gangi varðandi Guð kristinna manna,“ sem hún lét falla í jólahugvekju sinni, hefur fallið í nokkuð grýttann farveg hjá mörgum. Illugi Jökulsson er einn þeirra sem hefur hneikslast á þeim orðum biskupsins.

Fjölmiðlamaðurinn Illugi Jökulsson skrifaði færslu í dag þar sem hann hnýtti í biskupinn:

„Agnes M. Sigurðardóttir hefur að vísu náð þeirri óvæntu stöðu að ekkert af því sem hún segir skiptir nokkurn mann nokkru minnsta máli en þessi hallærisgangur var nú samt slíkur að það er ekki almennilega hægt að láta kyrrt liggja. ÞÖGGUN Í GANGI UM GUÐ!?! Síðast þegar ég vissi hélt ríkið í reynd úti tugum safnaða og einum par hundrað prestum til að boða trú á hinn ímyndaða vin sinn. Má ég kannski biðja um svoleiðis þöggun?“

Færslan vakti lukku Facebook-vina Illuga en fjölmargir settu þumal sinn við færsluna og þó nokkrir skrifuðu athugasemdir. Þar á meðal Fanný: „Þöggun í gangi um Guð; kirkjan berst kannski í bökkum en þessi markaðssetning er kolómöguleg.“

Marteinn nokkur skrifaði einnig athugasemd: „Enn eitt dæmið þar sem fólk misnotar og þar með gengisfellir orð og hugtök – algjörlega óþolandi framkoma.“

Þá sagðist Guðrún hafa hætt í kirkjunni vegna Agnesar: „Sagði mig úr kirkjunni vegna þessarar konu.. eins og svo margir.“

- Auglýsing -

Guðmundur nokkur sagði Agnesi hafa náð ákveðnu afreki með þessum orðum sínum: „Að láta þessi orð falla í beinni útsendingu á samtengdum rásum útvarps og sjónvarps allra landsmanna er auðvitað afrek í einhverjum skilningi.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -