Fimmtudagur 28. mars, 2024
-2.2 C
Reykjavik

Höfðu alltaf fulla trú á að hægt yrði að halda hátíðina

VefTv

- Auglýsing -

Hlaðvörp

- Auglýsing -

Það kom aldrei til greina að fresta eða aflýsa jaðarlistahátíðinni Reykjavík Fringe Festival að sögn hátíðarstjórans. Fjölbreytt dagskrá hátíðarinnar hefst í dag.

Árlega jaðarlistahátíðin Reykjavík Fringe Festival hefst í dag og stendur yfir til 12. júlí. Þetta er í þriðja sinn sem hátíðin fer fram.

Í ár fer hátíðin fram með breyttu sniði vegna kórónuveirufaraldursins en aldrei kom til greina að aflýsa hátíðinni. Skipuleggjendur ákváðu að bjóða öllum erlendum þátttakendum að vera með lifandi streymi á verkum sínum en innlendir listamenn sýna sín verk á sýningarstöðum innan miðborgar Reykjavíkur og verður þeim sýningum einnig streymt svo erlendir áhorfendur geti fylgst með.

Sýningarstaðir í ár eru The Secret Cellar, Tjarnarbíó, Hlemmur Square Hotel, Gallerí Fold og Samtökin ’78 en einnig verða pop-up atriði utandyra. Streymisatriði fara fram á síðunni crowdcast.io/rvkfringe og þó aðgangur sé ókeypis eru áhorfendur hvattir til að styrkja listamennina.

Boðið verður upp á áhorfspartý á streyminu á hótel Hlemmi Square innan um myndlistar- og ljósmyndasýningar eftir íslenskar listakonur.

Nanna Gunnars hátíðarstjóri lofar spennandi dagskrá. Hún segir að þrátt fyrir kórónuveirufaraldurinn hafi ekki komið til greina að aflýsa eða fresta hátíðinni.

- Auglýsing -

„Dagskráin í ár er ótrúlega fjölbreytt og umfangsmikil sérstaklega þegar miðað er við aðstæður. Það stóð aldrei til að breyta upprunalegu dagsetningum hátíðarinnar og við höfðum fulla trú á að geta haldið hátíðina, þó dagskráin hafi tekið stakkaskiptum oftar en einu sinni og oftar en þrisvar,“ er haft eftir Nönnu í tilkynningu um hátíðina.

Dagskrá hátíðarinnar má finna á vefnum rvkfringe.is. Yfir 50 mismunandi atriði eru í boði. Miðar á einstaka viðburði eru komnir í sölu á tix.is.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -