Ung stúlka í lífshættu á bílastæði sjúkrahúss – Kvartaði yfir vanlíðan eftir drykkju og dópneyslu

Um síð­ast­liðna helgi þurfti að gera end­ur­lífg­un­ar­til­raunir á ungri stúlku á bíla­stæði sjúkra­húss á Suð­ur­landi. Stúlkan hafði leitað til lög­regl­unnar vegna van­líð­unar eftir neyslu fíkni­efna og áfengis.

Sunn­lenska segir frá mál­inu á vef sínum en þar kemur fram að stúlka hafi leitað aðstoðar til lög­regl­unnar um síð­ustu helgi, vegna van­líð­unar eftir að hafa neytt fíkni­efna og áfengis. Lög­reglan keyrði því stúlkunni á sjúkra­hús.

Er á sjúkra­húsið var komið hætti stúlkan að svara lög­reglu­mönnum og var því brugðið á það ráð að hefja end­ur­lífg­un­ar­til­raunir á bíla­stæði sjúkra­húss­ins. Báru þær til­raunir árangur og var stúlkunni komið í hendur sjúkra­liðs sem einnig var á vett­vangi.